【荏懶 lám-nuā】，意思是『一個人懶惰成性，骯髒邋遢又不梳洗整理』，照講臺語 ê native speaker 佇只个情境，buě用「荏懶」來罵巡查，因為「語用(pragmatics)」無對同(tuì-tâng)。
若講著罰kàu「兩萬箍」，按呢應當是另外一个詞【𡳞蔓 lān-muā】：『形容厚顏無恥、流氓樣、不要臉的樣子』，【𡳞 lān】是男性ê『生殖器』，【蔓 muā】是『陰毛』，只个詞因為頭--字韻尾受著次字聲母 ê 逆向同化，多數已經讀做「lām-muā」。
網友安溪飼豬--ê亻因有說【數𡳞蔓仔 siàu-lām-muā--á】，ex.【你猶無去泉州數𡳞蔓仔】，意思是「你猶無去泉州創siánn-mih潲」。
2018/04/30補：潘科元先生有誠詳細ê究勘，〈台語詞 “lān-muā” 个本義〉。