惠安崇武、漳浦个閩南語，「出」紐歸「時」紐（塞擦音「擦音化」），也就是共讀做舌尖前送氣清塞擦音个/tsh/讀做擦音个/s/，ex.菜(sài)、青(senn/sinn)......，tsióng-ge腔口福建號做「鹹水腔」，佇臺灣分佈佇臺南个關廟、歸仁、仁德佮高雄个茄萣、湖內一帶，毋拄咱臺灣並無講「鹹水腔」，較濟是共伊號做「關廟腔」。下面有一段用「鹹水腔」寫个白話字，汝敢讀有路來？
Guá kin-ná-ji̍t thàu-tsá khì sài-sī-á bé âng-sài, khuànn tio̍h keh-piah hit-tànn bē lâng-sn̂g--ê, thâu-ke kóng in ê lâng-sn̂g tsin-ióng, lí nā bé tńg-khì sue-kué, ē-sái ta̍k-nî sue，hōo lí sue tsi̍t-sì-lâng, i kóng tsi̍t ê lâng-sn̂g ài sing-gōo, guá it-ti̍t kā-i sut, lōo-bué i tsiah bē guá tsi̍t-sing。