今年教師組朗讀稿第六篇有寫著「......食老擘無塗豆」，若只一句，阮是說「食老pér無塗豆」，毋是講「食peh無塗豆」，意思並毋是咧講「食老無才調擘(peh)塗豆」。
《臺日》也是有記「pé/pué/pér塗豆」，就我所知--ê，漳廈泉也是「食老pué/pé/pér無塗豆」，照《教典》ê用字，「pué/pé/pér」著寫做「掰」，我校對朗讀稿ê時有建議修正，毋拄主辦大會並無接受，應講：「現有ê資料攏是【擘無塗豆】」！可見，大會ê委員計毋知我寫ê只寡資料。
蕭藤村，《臺灣話俗諺語典》p.3095：「食老，捭無塗豆。{俗} Tsiah8-lau7 pe2-bo5-thoo5-tau7.{廈} 人老體衰，連採花生也做不了。」